Qeybtii Labaad: Ragga Ma Jecla Haweeneyda 12-kaan Qodob Laga Helo ,Si Weyn Ayay Uga Cararaan

Filed under: Arimaha Qoyska,Wararka Maanta |

Ku soo dhawaada qeybtiii ka hartay warbixntii hore ee Ragga Ma Jecla Haweeneyda 12-kaan Qodob Laga Helo ,Si Weyn Ayay Uga Cararaan waxaana horay u soo daabaanay 6 qeyb waana tan  qeyibihii haray

7-tan ninkeeda isku dayda in ay ka sareyso:

waa tan mar walba isku dayda in ay amarto ninkeeda,oo maba maqasho hadaladiisa iyo ra,yigiisa,waxaa kale oo ay isku daydaa mar walba in ay ceebeesato odaygeeda oo marka ay asxaabteeda la joogto ama ehelkeeda ayey u sheegtaa ceebaha uu ninkeeda leeyahay.haweenka noocaan oo kale ragu ma jecla.

8- tan dagaalka badan:

waa midda mar walba odaygeeda la dagaasha ama dagaal ay dad kale la soo sameysay ayuu odaygeeda xaliyaa xilli walba waana shar u joog oo dagaalkeeda ayaa badan mar walbana waa laga soo dacwoonayaa, hadaba haweenka noocaan ah ayaanan ragoodu aysan jecleyn lagana yaabo in ay ka cararaan oo naag kale la guursadaan.

9- tan mar walba ninkeeda naagaha kale xumaantooda u sheegta:

noocaan waxa ay isku moodaan in ay iyagu aduunka u qatarsanyihiin,mar walba oo ay ninkeeda naagaha kale uga sheekeyneyso xumaantooda uun ayey u sheegtaa oo marnaba ma laga yaabo in afkeeda uu soo qabto hadal wanaag ah oo haweenka kale ku saabsan,xitaa haween kale haddii ay yihiin haween wanaagsan xumaato ayey u aliftaa.

10- tan ciyaal suuqada ah:

ciyaal suuqnimada kaliya ma ahan kuwa wadada taagan ee waxaa loola jeedaa tan hadalkeeda dhaqnkeeda akhlaaqdeeda uu ciyaal suuqnimo yahay,wax farqi ah uma dhaxeeyaan ciyaal suuqnimada shakliga qofka iyo dhaqnkiisa waa isku mid,haweenka noocaan ah raggu ma jecla waa ay ka fogaadaan.

11- tan nadaafada daran:

naagaha noocaan waa kuwo mar walba wasakh badan oo gurigooda iyo iyo dhogortooda iyo xitaa shakliga caruurtooda ayaa ka dareemeysaa in ay nadaafad lahayn,waxyaabaha ugu waa weyn ee ragu haweenka doonaan ayaa ah naag nadiifsan guri nadiifsan raashin nadiif ah iyo guud ahaan in ay naagto soo jiidato ninkeeda ma ahan nadaafada jirkeeda kaliya oo guriga iyo caruurtana waa la hilmaamayaa sida haweenka qaar ay sameeyaan ,waxaa haboon in haweenku mar walba ay nadiif yihiin dhan walba haddii kale ragu waa ay ka cararayaan.

12- Tan calool jileeca iyo oohinta badan:

waa nooc mar ka hore kicisa dareenka ninka oo soo jiidata balse waxaa laga yaabaa in ninku uu kala garan waayo xaaladaha ay ku sugantahay in ay been sheegeyso iyo in ay run sheeheyso,teeda kale waxaa laga yaabaa in ninku uu gaaro heer ah in uu hadal dhan ka ilaaliyo sababtoo ah waxaa laga yaabaa in ay iska beer jilcdo oo ay ooyso isaga oo ninkana hadalkaas uu ka waday sheeko iska caadi ah,waxaa laga yaabaa sifadan in haweenka qaar ay leeyihiin balse waxaa la iska ga jari karaa si tartiib ah ,sababtoo ah raggu ma jecla haweenka beer jileeca iyo calaalka badan.

ugu danbeyntii 12kan sifo ayaa waxaa la isku raacay haweenka leh in si dhaqso ah uu ninkooda uga cararayo oo uu naag kale ka aadayo maadaama aysan ahayn sabab lagu furi karo marka diin ahaan loo fiiriyo,markaas ayuu ninku naag kale la guursadaa,waxaana dhacda in naagtii ay maseerto,inta aysan maseerin waxaa haboon in ay iska goyso haddii ay leedahay sifooyinkan ama wax ka mid ah markaas lagama yaabo in ninku uu naag kale haweesto ama la guursado.

Leave a Reply

Your email address will not be published. Required fields are marked *