SAWIRRO: Faahfaahin ku saabsan Safarka Madaxweynaha Puntland ee dalka Itoobiya

Filed under: Wararka Dalka,Wararka Maanta |

Madaxweynaha Dawladda Puntland Dr. Cabdiweli Maxamed Cali Gaas ayaa maanta 20 April 2017  safar shaqo ugu amba baxay magaalada Addis Ababa ee Caasimadda Dalka Itoobiya halkaas oo uu kaga qayb geli doono Shirka Madaxda  Afrika ee Tana Forum oo sannadkiiba mar lagu qabto magaalada Bahar dahar ee dalkaasi.

Madaxweynaha ayaa waxaa garonka diyaaradaha ee Magaalada Gaalkacayo ku sii sagootiyey masuuliyiinka ka tirsan goloyaasha Dawladda Puntland, maamulka gobolka Mudug, kan degmada Gaalkacayo iyo saraakiil ka tirsan madaxtooyada dawladda Puntland.

Safarka Madaxweynaha ayaa isugu jira ka qayb galka shirka Tana Forum oo ay kasoo qayb gelidoonaan madax badan oo ka kala socda dalalka Africa, iyo kulamo kale oo u dhexayn doona Dawladda Puntland iyo Dalka Itoobiya, kuwaas oo la xidhiidha iskaashiga labada dhinac ee dhanka ganacsiga, amaanka iyo mashaaruca horumarineed ee dalka Itooyabiya dhowaan ka hirgelin-doonto Puntland.

Shirkani Tana Forum ee u dhexeeya madaxda Qaarada Africa ayaa waxaa lagaga hadli doonaa xidhiidhada wadamada Qaarada Africa, siyaasada, Amaanka iyo wixii ka hirgalay qodobadii laga soo saaray shirkan kii ka horeeyey ee sanad kii hore ay yeeshaan, waxaana uu socon donaa shirkani mudo laba cisho ah.

Madaxweynaha Dawladda Puntland Dr. Cabdiweli Maxamed Cali Gaas ayaa shirkaasi kaga hadli doonaa xaaladaha Amni iyo dhaqaale ee waddanka Soomaaliya gaar ahaan Puntland, is bedelka siyaasadeed ee guud ahaan Soomaaliya, saamaynta abaarta baaxadale ee ka jirta Soomaaliya iyo arrimo kale oo muhiima.

Comments

comments

One Response to SAWIRRO: Faahfaahin ku saabsan Safarka Madaxweynaha Puntland ee dalka Itoobiya

  1. markaan si fiican u fiiriyey madax weyne cabdi weli wuxuu u eg yahay raisal wasaaraha ITOOOBIYA ILEYN REER KA BAR BAA XUDUUD LA AHAEE KKKKKKKKKKKK SAAN U SOCONEY BAAN U EKAANEY WAYAANE MAR DHAW WAXAAN KA BAQAYAA INAA U SOCONO SIDII WAYAANAHA AMA AAN U QOSOLNO SIDII WAYAANAHA KKKKK MR GAS WAA WAYAANE SHAN DAQIIQO DHIMAN.

    DUUGEEDA
    April 22, 2017 at 6:30 pm
    Reply

Leave a Reply

Your email address will not be published. Required fields are marked *